Шкулсенче  вĕренÿ çулĕн 3-мĕш чĕрĕкĕ вĕçленчĕ. 4-мĕшĕ пуçланать. Тепĕр икĕ уйăхран ачасемшĕн чи вăрăм каникул пуçланать. Аслисем, акă, шкул ачисен çуллахи канăвне еплерех усăллă ирттересси пирки шухăшлама пуçланă ĕнтĕ. Патăрьел районĕнчи Сăкăт шкулĕнче вĕренекенсем Чăваш Республики территорийĕнче вырнаçнă 20 яхăн лагерьте хăйсен сывлăхĕсене çирĕплетме пултараççĕ. Хăш лагере чун туртать, çавăнта канма пултаратăн. Кунта тата ашшĕ-амăшĕн ыйтса çырнă хучĕ кирлĕ: кану валли  хăш лагере, хăш сменăна суйласа илнĕ. Çакна тума пĕрре те йывăр мар, мĕншĕн тесен Сăкăт шкулĕнче , районти ытти шкулсенчи пекех, ятарласа уйăрнă операторсем пулăшу парĕç.