Сăкăт шкулĕнче вĕренекенсенчен чылайăшĕ  уроксем  хыççăн спортзала васкать:  ирĕклĕ кĕрешекенсен тата кире пуканĕ  йăтакансен секцийĕсене çÿреççĕ вĕсем . Ку секцисене йĕркелесе яни темиçе çул ĕнтĕ.  В.В.Анюровпа  А.В.Алексеев тренерсем  тăрăшнипе çамрăк спортсменсем çитĕнÿ хыççăн çитĕнÿ тăваççĕ. Вĕсен  кăтартăвĕсем  район тата республика  шайĕнче пулни ашшĕ- амăшне те, ял халăхне те савăнтарать.

«Çамрăксем - сывă пурнăç йĕркишĕн!» акцие хутшăнса , акă, çак кунсенче  ялти çамрăксем , спорта юратакан выпускниксем  - А.В.Чернов, В.А. Чиркин тата А.А.Чиркин, А.П. Анюров тата В.П. Анюров, Е.Ю. Чиркин , М.Г.Мишин, А.М.Шакмаев, А.П.Казачков, Ю.А.Гусаров, А.Н.Давыдов, А.В.Платонов, О.А.Лаврентьев  шкула вĕр-çĕнĕ штанга парнелерĕç. Çывăх вăхăтрах тата волейболистсемпе футболистсем валли те формăсем  пуласса шантарчĕç.   

Чи кирли вăл пирĕншĕн пуриншĕн те – сывлăх. Сывлăхлă пулас тесен спортпа туслă пулмалла.  Ачасем  аталанччăр, çирĕп сывлăхлă çитĕнччĕр, Сăкăт  ятне çÿлте тытчăр – акă спонсорсен ырă шухăш-тĕллевĕ.

Тăван шкула манманшăн, ун малашлăхĕшĕн тăрăшса пархатарлă  ĕç  тунăшăн  выпускниксене пысăк тав !