- Шывран, вутран вăйли çук,- теççĕ ваттисем çамрăккисене вĕрентсе. Мĕншĕн çавăн пек каланă-ши? - çапла ыйту пачĕ  класс ертÿçи Тинюкова А.П. пиллĕкмĕшсене класс сехетĕнче калаçу мĕн çинчен пуласса систерсе.

Хуравĕсем тĕрĕсех пулчĕç:

 - Вутран хăрушши çук. 

 - Пушар тухать - нимĕн те юлмасть!

 - Кĕл  çеç тăрса юлать!

 - Шыв та хăрушă. Вăл та веçех аркатать, кил-çурта, япаласене юрăхсăра кăларать...

  Сăмах-юмах мĕн пирки пуласса ачасем тÿрех тавçăрса илчĕç: шыв-шур тапраннă вăхăтра тимлĕхпе асăрханулăх пирки нумай калаçатпăр-çке-ха.  

Кашни çуркуннех çырмасемпе пĕвесене шыв капланса анать, эпир çÿрекен çула пÿлет. Хăш-пĕр ачасем  пуçтахланма е мухтанма пăхаççĕ, чарусăррисем çÿхелсе юлнă пăр çине кĕрсе каяççĕ те, инкек сиксе те тухать. Вăйлă шыв юххи те илсе кайма пултарать. Путса вилнĕ тĕслĕхсем  сахал-им тата?

   Калаçу вĕçĕнче пĕтĕмлетÿ туса хăварчĕç:

                      Алхасать çурхи шыв-шур.

                Асăрхан! Инкек ан кур!

                  Ан çывхар çыран хĕрне!

              Ан кĕр çутă пăр çине!

                Аслисем каланине 

                Картса хур çамку çине!